الخميس، 31 مارس 2011

سوق خيري لأبنائنا





- Posted using BlogPress from my iPad

الجمعة، 25 مارس 2011

Happy Birthday to me :)







يوم ميلادي كان متلقب الاوضاع هادي و صاخب

للاسف تلفوني خترب مادري شعلته بس اضبطة احط لصور

طبعا بالدوام كان يوم عادي لما تفاجأت بكيكة ادش مكتبي و كذا قروب داشين

ستانست وايد وماتوقعت هالشي

عقب ۲ من اعز المقربين حقي مدلعيني بحجي حلو ومخليني اميرة
وحدة يابتلي هدية عمري ماحصلتها من احد
مصحف بصندوق والمصحف مزخرف من برا
ستانست وايد وصج صج كانت احلى هدية
قبل الميلاد كانت تقولي انا شريتلج دوا كهدية لعيد ميلادج
تطفرني
بس صج دوا ويارب تقدرني واختم القران ولا اهجرة
مشكوووورة وايد واحبج وعسى الله لايفرقنا

رفيجتي الثانية فاجأتني بجلسات من لافندر مجموعه جلسات
كنت كلة اتحلطم بالدوام واقول ابي اقعد بمكان هادي واسترخي واريح
وبنفس يوم الميلاد عالمغرب كان موعدي
راح اتحجى عنه ببوست بروح
ماقصرتي ومشكورة وايد واحبج والله لايفرقنا

وبالبيت هم صار لوية وايد لان هم عيد الام تيمعنا واشكال وانواع الحلويات واخوي الصوغنن اكثر واحد متحمس بكلشي

طبعا اللي خلاني استانس اكثر شي لمة الكل واليمعه سواء بالبيت او الدوام

لنا بوستات ان شاء الله حتى انزل لصور عقب مايتصلح تلفون

الله لايحرمني منكم كلكم ويخليني لكم يارب ;$

الثلاثاء، 15 مارس 2011

قصه ولا اروع

قالوا لها: ولد عمتك امينه

جايّ ويبيّ يكمل نصف دينه

أيش رايك يافتونِ ؟؟

ابتسمت و قالت : الليّ تشوفون ..!

اركضت صوب غرفتها

بعثرت من الفرح كل اغراضها

وطلعت دبدوب لونه رماديّ ...

قبلته و لصدرهَا ضمته ..

وقالت : انته أول هَديه كانت فيّ عيد ميلاديّ

كانت من حبيبيّ
نآمت و هَيّ تهمس حبيبيّ حبيبيّ .....

ماصحت الا علىّ طقه الباب
امها تقول : بسرعه البسيّ ترىّ جونا الأحباب .....

لبست أحلىّ الثياب
صارت أحلىّ عروس
بيديها كاسة عصير
قلبهآ يسابق أقدامها
تبيّ تشوف فارس احلامهآ ..
لكن ...!!!!

صار الليّ ما توقعت انه يصير !
شافت ولد عمتهآ سعدّ ..,
رمت كوب العصير
وارتمت فوق السرير

قبل تسألهآ أمهآ : وش الليّ صار ؟
اصرخت وقالت : ماأبييييييه ...
تجمعوا عليهآ من كل صوب
أبوهَا أمهآ أخوهَا
قالوا : غصب عليك بتاخذييييه

مرت بسرعه الأيام
وصار الزفاف فيّ نفس هذا العامَ
تسريحه أيّ كلام
مكياجهآ باهَت من كثر الدموعِ ..
عطرهَا مو مهم حيّ الله أيّ نوعِ
خطواتهآ يم الكوشه ثقيله ...
آهاتهآ داخل صدرهَا طويله
تمنت الموت ألف مره
علىّ ان تعيش فيّ حضنه لو مره ...

سعد يمشيّ و ماسك يدهَا بيده
يناظر حوله و يشوف مافيّ أحد قده ..
قضت ليله ...
أقصد ليله قضت عليها
ليلة كل شيّ موحش
أجمعت بصدرهَا كل ونه مفارق تجمعت

اليوم الثانيّ موعد سفرهَا
سعد مع اخوه ينتظرهَا

وصلهم لباب الطايره
و عيونه من البكىّ حايره
طبطب سعد على كتف أخوه
و قال : لاتبكيّ كلهآ أسبوعِ و راجعين
انا وقره العين
قال اخوه قول : ان شاء الله ...
و صلوآ الفندق
الليّ فيّ صار فيّ عيونهآ خندق
مع انه خمس نجوم
أخر الليل فرش سجادته علىّ شط البحر
قال : اجلسيّ ياقمر
اجلست جلسه طفش
تمنت انهآ فوق النعش

سعد فرض نفسه
استلقىّ علىّ ظهره ونام علىّ حجرهَا
يناظر فيّ السحاب
ويقول احلىّ شيّ بالدنيا جمعت الأحباب
ياالله الجو روعه و البحر هاديّ !!
فتون ماهيّ معاه...!

جالسه تداعب دبدوبهآ الرماديّ
وقتهآ نزلت دمعه علىّ جبين سعدّ


يتبع .....

الأحد، 13 مارس 2011

عيد الام وعيد ميلادي




طبعا مابقى شي على عيد الام اللي يصادف يوم ميلادي بعد
وبما اني انسانة عصامية وبدش شي وعشرين لازم احضر حق روحي
وان شاء الله احصل مفاجأة حلوة من المقربين

والحين ماحضرت لشي
عطوني افكار خل احتفل صح

الثلاثاء، 1 مارس 2011

طله المشاهير للاوسكار ج۲

صباح الخير
اول يوم دوام بعد العطلة مو متحمسة كلش بس الله يعين
بما ان الاوسكار للحين الكل يتحجى عنه وبالازياء وطلة المشاهير في
شفنا اول مجموعه بالبوست الاول
وهذي المجموعه الثانيه
بخليكم مع صور
وهم لنا رجعه












































الاثنين، 28 فبراير 2011

طله المشاهير للاوسكار ج۱

بعضهم بدع بالاناقة وبعضهم "ياليته ماطلع من بيته" لان لسان خبراء الازياء مايرحم
ماراح اطول بالحجي وبخليكم مع الصور













































اروع طله بالاوسكار

طبعا موديلات وايد مرت عالريد كاربيت بس برايي
اجمل طله كانت للمثلة
Mila Kunis





طلت بلون اللافندر اناقة على فخامة ورزانه






ومابالغت بالميك اب ولا التسريحة واكتفت باكسسوار ولاكثرت من
blink blink ال







شرايكم؟؟